Grunnegs boukje

101 x Kunst op z’n Grunnegs

15 februari 2017
d’Aigen collectie van t Grunnegs Museum, bie nkaander gaddert in n boukje. Mor din wél in ’t Grunnegs. Egge Knol, waarkboas/consevator archeologie en geschiedenis van t Grunnegs Museum, en Henk Scholte, aanpeerdjer van t Huis van de Groninger Cultuur, kozen bie 101 sprekende waarken oet de collectie mit liekeveul toupazelke Grunneger woorden. 

Veur de nait - Grunneger leesders binnen de woorden ook weergegeven in t Nederlands, Engels, Duuts en Fraans. T rizzeltoat is n orgineel en vrundelk boukje om kedo te geven of om joezulf de kunst van t Grunnegs wat aigen te moaken. Directeur Andreas Blühm is aibels blied mit t boukje en t der nou al veur wille van had: “Fijn dat deze lang gekoesterde wens is uitgekomen. Voor mijn eigen integratie in Groningen is dit boekje nu al een onmisbaar instrument geworden.”

T boukje is vanòf 14 feberwoarie te koop in de museumwinkel in t Grunnegs Museum en kost mor
€ 8,50. ISBN: 978-90-71691-79-9.